पुरुष आणि स्त्रिया या दोन्हीं करिता केस गळती ही एक गंभीर समस्या आहे. अनुवांशिकता, हॉर्मोनमध्ये बदल, कुपोषण, वजन घटणे, शारीरिक किंवा मानसिक ताण-तणाव, इत्यादी सारख्या बऱ्याच कारणांपैकी जरी कुठलेही एक असले तरी. पण बऱ्याच लोकांना माहित नसते की काही हानिकारक रसायनांमुळेसुद्धा केस गळती होते, जे आपण हेयर डाय, शाम्पू आणि कंडिशनर मध्ये खूप वेळा वापरतो. आपल्यापैकी बरेच जण असे शाम्पू वापरतो ज्यांना खूप छान सुगंध येतो, जे आपल्या केसांना मुलायम, घनदाट, चमकदार आणि मनासारखे वळणारे बनवतात, इत्यादी पण, आपण अशा निवडक हेयर-केयर उत्पादनांतील घटक वाचण्याची तसदी घेत नाही, जे आपल्या केसांना विरळ बनवतात आणि केस गळण्यास कारणीभूत ठरतात. इथे आपण अशा रसायनांबद्दल बोलणारआहोत ज्यांना वापरणे तुम्ही बंद केले पाहिजेत, आणि त्यांचा तुमच्या केसांवर काय परिणाम होतो.

  1. अल्कॉहॉल

अल्कॉहॉल हे केसांच्या उत्पादनांतील एक अगदी सामान्य घटक आहे आणि केसांच्या पुन्हा उगवण्याकरिता  अजिबात चांगले नाही. जवळ जवळ प्रत्येक हेयर-केयर उत्पादनामधील कुठल्या-न-कुठल्या प्रकारचे अल्कॉहॉल समाविष्ट असते. जर ते अति प्रमाणात वापरले गेले तर ते तुमच्या केसांना कोरडे बनवू शकते. चांगल्या केस वाढीसाठी तुम्ही अशी उत्पादने वापरा ज्यामध्ये अल्कोहोल नसते. काही वेळा कमी प्रमाणात वापरले गेलेले अल्कॉहॉल काही गंभीर हानी करत नाही, पण ते तुमच्या केसांना नुकसान पोहोचवते आणि जेव्हा कुठल्याही हेयर केयर उत्पादनात जास्त प्रमाण अल्कॉहॉल असल्यास केस गळतीला कारणीभूत ठरते. जसे बरीच उत्पादने घटकांचे शतमान लिहित नाहीत, अशी हेयर केयर उत्पादने कधीच वापरू नका ज्यामधील पहिल्या चार घटकांमध्ये अल्कॉहॉल हे एक घटक असेल. पॅकेजिंगवर घटक एका ठराविक रीतीनुसार सूचित केले असतात, की जसे आपण सूचीमध्ये खाली पहात जातो, तसे त्या घटकांचे शतमान उत्पादनामधील कमी होत जाते.

  1. खनिज तेल

हे पदार्थ अर्काच्या रुपात असतात आणि नियमितपणे ग्रीज आणि पारंपारिक केसांसाठी बनवलेल्या पोमेड मध्ये पेट्रोलियम घटक म्हणून वापरले जातात. ते कातडीला एका प्लास्टिकच्या कोट प्रमाणे झाकून टाकतात आणि केसांवर काही मॉइस्चरायझिंग परिणाम करीत नाहीत. हा थर कातडीला पेशींचे वीषद्रव्य बाहेर टाकण्यास प्रतिबंधित करतो, ज्यामुळे पेशींची सामान्य वाढ होण्यास विलंब होऊ शकतो. ते स्काल्प चे नैसर्गिक तेल केसानी शोषून घेण्यापासून सुद्धा प्रतिबंध करतात. हे पदार्थ पुरुष आणि स्त्रिया, ज्यांचे केस विरळ आहेत, यांना खूप हानिकारक असतात कारण ते खूप जड प्रवृत्तीचे असतात, ते विरळ केसांना अगदी सहजपणे अवजड बनवतात ज्यामुळे नुकसान होते आणि केस गळतात.

  1. पी.ई.जी – पॉलीइथायलीन ग्लायकॉल

पी.ई.जी / पॉलीइथायलीन ह्याला पॉलीऑक्सिइथायलीन सुद्धा म्हणतात, जे साफसफाईच्या उत्पादनांमध्ये सुद्धा तेल आणि ग्रीज टार्गेटमधून विरघळवण्यास सुद्धा वापरले जातात आणि ते उत्पादनाला घट्ट बनवतात. पी.ई.जी. हे नैसर्गिक आर्द्रतेचा घटक विरघळवून त्याला काढून टाकण्यास योगदान देते, ज्यामुळे रोगप्रतिकार शक्ती उघड्यावर पडते. हे घटक केस दाट करण्याकरिता एक एजंट म्हणून शाम्पूंमधील वापरले जाते. चांगली केस वाढ होण्यासाठी तुम्ही पी.ई.जी. नसलेली उत्पादने वापरा.

  1. प्रोपायलीन ग्लायकॉल

प्रोपायलीन ग्लायकॉल किंवा पी.जी. हे हेयर केयर उत्पादनांमध्ये एक विद्रावक पदार्थ आणि आर्द्रता देणारा घटक म्हणून वापरले जाते. ऍण्टीफ्रीझ मधील हे मुख्य घटक असते. प्रोटीन आणि पेशींची रचना तोडण्यास मॅनुफॅक्चरिंग क्षेत्रात  वापरले जाते. आपली कातडी प्रोटीनचीच बनलेली असते आणि पी.जी. त्याचे घटक मोडते तरी पण ते बऱ्याच केसांच्या उत्पादने, मेकअप उत्पादने, लोशन, डियोडोरंट, माउथवॉश, आफ्टर-शेव आणि टूथपेस्ट यांमध्ये सापडते.

  1. सोडियम लॉरील सल्फेट (एस.एल.एस) आणि लॉरेथ सल्फेट (एस.एल.ई.एस)

हे घटक आणि ह्यांच्या जवळच्या नात्यात पडणारे कंपाउंड डिटर्जंट, गॅरेज फ्लोर क्लीनर, कार वॉशचे साबण आणि सरफेस टेन्शन कमी करण्याकरता इंजिन डीग्रीझर मध्ये वापरले जातात. हे घटक अनेक हेयर केयर उत्पादनांमध्ये सुद्धा वापरले जातात आणि केसांच्या पुनरवाढीच्या प्रोत्साहनासाठी विशेषतः हानिकारक असतात.

  1. डी.ई.ए. (डायइथॅनॉलॅमाईन), एम.ई.ए. (मोनोइथॅनॉलॅमाईन), आणि टी.ई.ए. (ट्रायइथॅनॉलॅमाईन)

डी.ई.ए. (डायइथॅनॉलॅमाईन), एम.ई.ए. (मोनोइथॅनॉलॅमाईन), आणि टी.ई.ए. (ट्रायइथॅनॉलॅमाईन) हे अशी रसायने आहेत जी हॉर्मोनचे संतुलन बिघडवतात. हे घटक वैयक्तिक केयर उत्पादनांमध्ये अगदी सामान्य असतात जे खूप फेस बनवतात, ज्यांमध्ये बबल बाथ, बॉडी वॉश, शाम्पू, साबण आणि फेशिअल क्लेंसर यांचा समावेश आहे. हे तुमच्या कातडीला आणि केसांना खूप हानिकारक आहेत. ज्या उत्पादनांमध्ये हे घटक आहेत, त्यांच्या पासून खूप लांब राहा.

  1. इमडीयाझॉलिडिनाईल युरिया आणि डी.एम.डी.एम. हायडॅंटॉईन

इतरांबरोबर हे घटक प्रिजर्वेटिव म्हणून वापरले जातात. ते फॉरमॅल्डिहाइड सोडतात आणि फॉरमॅल्डिहाइड-डोनर म्हणून ओळखले जातात. फॉरमॅल्डिहाइड श्वसन संस्थेला बिघडवते, हृदयात धडधड घडवून आणते आणि त्वचेवर प्रतिक्रिया होण्यास कारणीभूत असते. ही रसायने बऱ्याच केसांच्या उत्पादनांमध्ये त्यांचे आयुष्य वाढविण्याकरिता वापरली जातात, पण हे पदार्थ हॉर्मोन्सचे असंतुलन होण्यास कारणीभूत असतात, आणि त्यामुळे केस गळतीला प्रोत्साहन देतात.